"Гица Инкубатор",
инкубатор за поддршка на малите бизниси, е основан во февруари
2001 година, кога и се започна со активностите околу реновирање и
приспособување на веќе руинираните објектие. Првите четири
фирми-пионери со доволна храброст и претприемчив дух се вселија во
инкубаторот и започна со своето работење во октомври истата
година, додека нивниот број сега е повеќекратно зголемен. Нашите
членки се производствено ориентирани и со разна производствена
структура.
Покрај активноста на
издавање добро приспособен деловен простор, кој може да послужи
како модел и за многу поразвиени земји од нашата и по цени кои се
пристапни за членките на "Гица Инкубаторот", нашите активности сè
повеќе се насочени кон пружање дополнителни услуги како за
фирмите-членки, така и за сите останати заинтересирани. Дел од тие
услуги вклучуваат изработка на програми за обука и
преквалификација, подготвување на потребната извозна и увозна
документација, пружање преведувачки, сметководствени и
дактилографски услуги и сл.
Предностите за фирмите кои имаат изнајмено деловен простор во Гица инкубаторот се
многубројни. Да споменеме само некои од нив: добивање простор кој
одговара на нивните намени по пристапни цени, обезбедени им се
други услуги по бенефицирани цени, пристапен им е кредитен фонд по
многу поприфатливи услови од тие што им се овозможуваат во нашите
банки, меѓусебна соработка со останатите фирми-членки и др. Покрај
тоа, соработката со основачот на инкубаторот, фирмата "Гица" Доо,
во најмала рака може да се рече дека е одлична. Политиката на
основачот е насочена кон максимална соработка со фирмите членки,
како и нивно помагање во поглед на пружање транспортни услуги,
услуги за товарење и растоварање, но и нивно ангажирање за
изведување работи за сметка на основачот, како и изнаоѓање нивни
нови деловни партнери. Користа од ваквата соработка е обострана,
но сепак најголемите придобивки ги имаат фирмите членки во
инкубаторот.
Конечно,
атрактивноста на просторот и побарувачката на нов деловен простор
наложи проширување на нашите капацитети. За таа цел веќе се при
крај градежните работи на нашиот нов објект, идниот дом за многу
нови фирми почетници. |
